Föstudagskvöldið 24. október sl. fór SFSV á leiksýningu í Borgarleikhúsinu og var þátttaka í ferðinni mjög góð. Rúmlega 60 manns tóku þátt í ferðinni sem hófst með rútuferð af Skaganum til Rvk. Er komið var í leikhúsið tók fyrst við skoðunarferð um leikhúsið, síðan neyttu menn ljúffengs kvöldverðar og að honum loknum hófst leiksýningin. Var hún hin besta skemmtan og höfðu gestir á orði að í langan tíma hefðu þeir ekki hlegið jafn mikið. Að aflokinni sýningu var haldið heim á leið, þangað var komið um kl. 22.30.

Jólahlaðborð SFSV verður haldið 6. des. n.k. á Fjörukránni Hafnarfirði.
Hljómsveit Rúnars Þórs leikur fyrir dansi og gestasöngvari verður Gylfi Ægisson. Jólasveinar munu sjá um skemmtunina.
Gist verður á Hótel Víking sem er við hliðina á Fjörukránni.
Kostnaður verður dreginn af launum 15. nóv. n.k. af þeim starfsmönnum sem fara. Ef einhverjir vilja greiða með öðrum hætti þá er það velkomið svo framanlega sem það er gert fyrir 15. nóv. Þeir sem nýta ætla annan greiðslumáta eru beðnir að hafa samband við Lilju Högnadóttur fyrir 12. nóv. nk.
Kostnaður er 10.500 kr. pr. mann (innf. jólahlaðborð, gisting og morgunverður) Ef ekki er gist þá kostar 6.400 kr. pr. mann. SFSV greiðir helming kostnaðar og greiða því hjón sem gista krónur 10.500 og hjón sem ekki gista, krónur 6.400